Bir çox sahibkarın zəhməti və vəsaiti hesabına yaratdığı yeni məhsullar, bazarda öz yerini tapdıqdan sonra digər sahibkarlar tərəfindən mənimsənilə bilər. Bu vəziyyət, məhsulu ərsəyə gətirən sahibkar üçün böyük maliyyə itkilərinə və haqsız rəqabətə səbəb olur. Təəssüf ki, sahibkarlar bəzən bu cür halların qarşısını almaq üçün vaxtında lazımi hüquqi addımları atmırlar və nəticədə yanlış qərarların qurbanı olurlar.
Əqli mülkiyyət hüququ xidmətlərimiz çərçivəsində, mütəxəssislərimiz müştərilərimizə əqli mülkiyyət obyektlərinin (ixtiralar, sənaye nümunələri, faydalı modellər, əmtəə nişanları, coğrafi göstəricilər və s.) hüququn rəsmiləşdirilməsi və qorunması ilə bağlı tam hüquqi dəstək təqdim edir. Bu xidmət, sahibkarların yaradıcılıq məhsullarının qanun çərçivəsində qorunmasını və haqsız rəqabətə qarşı müdafiəsini təmin edir.
Mütəxəssislərimiz, əqli mülkiyyət hüququnun rəsmiləşdirilməsi prosesində müştərilərimizə məsləhətlər verir, sənədlərin hazırlanmasını və aidiyyəti dövlət qurumlarına təqdim edilməsini təmin edir. Bununla yanaşı, əqli mülkiyyət hüquqlarının pozulması hallarında müştərilərimizi təmsil edir və onların hüquqlarını müdafiə edirik. Bu, sahibkarların bazarda öz məhsullarını qorumaq və haqsız rəqabətdən uzaq durmaq üçün vacib bir addımdır.
Əqli mülkiyyət hüququ xidmətlərimizlə müştərilərimizin intellektual mülkiyyətlərini qorumaq və onların hüquqlarını sığortalamaq üçün tam hüquqi dəstək təmin edirik. Biz, müştərilərimizin yaradıcı işlərinin qanun çərçivəsində qorunmasını və onlara haqsız rəqabətə qarşı güclü müdafiə təmin etmək üçün hər zaman yanınızdayıq.
Əqli mülkiyyət obyektlərinin (ticarət markalarının, ixtiraların, sənaye nümunələrinin, faydalı modellərin, əmtəə nişanlarının) qeydiyyata alınması üçün zəruri sənədlərin hazırlanması və müvafiq qurumlara təqdim olunması;
Qeydiyyata alınmış əqli mülkiyyətin müdafiəsi ilə əlaqədar müvafiq qurumlarda müştərinin hüquq və mənafelərinin müdafiə olunması;
Qeydiyyata alınmış əmtəə nişanlarına şikayətlərin yazılması və müvafiq orqanlarda müştərinin təmsil olunması;
Qeydiyyatdan keçmiş əqli mülkiyyət obyektlərindən istifadə, müəlliflik hüquqlarının keçməsi və əqli mülkiyyət obyektlərinin vərəsəliyi daxil olmaqla müştərinin hüquq və mənafeləri nəzərə alınaraq razılıq sazişlərinin, lisenziya müqavilələrinin, kommersiya konsessiyası və s. hazırlanması, hazır sənədlərin hüquqi ekspertizası;