Sürətlə dəyişən müasir dünyada innovasiyanın, iqtisadi inkişafın və cəmiyyətin tərəqqisinin təmin edilməsi, nəzəri biliklərlə yanaşı praktik bilik və bacarıqlara da yiyələnərək əmək bazarının tələblərinə cavab verən kadrların hazırlanması üçün Universitet-Biznes Əməkdaşlığı zərurətə çevrilib. Bu əməkdaşlıqlarla hər iki tərəfin unikal gücləri birləşdirilir: universitetlər tədqiqat və araşdırmalar, peşəkar məzunlar və nəzəri ekspert bilikləri təqdim edir, biznes isə praktik təcrübə, real problemlər, maliyyə dəstəyi və məşğulluq imkanları ilə ümumi fəaliyyətə töhfə verir. Əsas məqsəd təhsili və tədqiqatı iqtisadi və sosial ehtiyaclarla uzlaşdıraraq universitet və biznes sektoru arasındakı boşluğu aradan qaldıran körpü yaratmaqdır.
“BERC&Partners” ilə Mingəçevir Dövlət Universiteti (MDU) arasında Universitet, Maliyyə və Biznes Əməkdaşlığı Layihəsi çərçivəsində memorandum imzalandı. Bu memorandumda MDU və “BERC&Partners” şirkətinin həyata keçirəcəyi birgə fəaliyyətləri, xüsusi ilə aşağıdakı istiqamətləri əhatə edən fəaliyyət planı razılaşdırılıb.
- “BERC&Partners”-lə MDU arasında Startup quruluculuq fəaliyyətlərinin inkişafı və dəstəklənməsi üçün birgə fəaliyyətlərin həyata keçirilməsi;
- MDU Rəqamsal inkişaf və lahiyələrin idarə olunması şöbəsi ilə birgə korporativ və fərdi istiqamətdə təlim və xidmət fəaliyyətlərinin təşkili və həyata keçirilməsi;
- Tərəflərin nümayəndələrinin iştirakı ilə birgə layihə və tədqiqatların həyata keçirilməsi, konfransların, təlimlərin və seminarların təşkil edilməsi;
- MDU tələbələrinin “BERC&Partners”-də və onunla partnyor olan şirkətlərdə müxtəlif növdən olan staj və təcrübə proqramlarına cəlb edilməsi;
- Qarşılıqlı razılaşma ilə “BERC&Partners”-in mütəxəssis və təlimçi heyətinin MDU -nun tədris fəaliyyətlərində qonaq müəllim kimi cəlb olunması;
- Tələbələri “BERC&Partners”-in fəaliyyəti və mövcud kadr tələbatı haqda məlumatlandırmaq məqsədilə MDU -da “Karyera günləri”nin keçirilməsi;
