Sürətlə dəyişən müasir dünyada innovasiyanın, iqtisadi inkişafın və cəmiyyətin tərəqqisinin təmin edilməsi, nəzəri biliklərlə yanaşı praktik bilik və bacarıqlara da yiyələnərək əmək bazarının tələblərinə cavab verən kadrların hazırlanması üçün Universitet-Biznes Əməkdaşlığı zərurətə çevrilib.
Bu əməkdaşlıqlarla hər iki tərəfin unikal gücləri birləşdirilir: universitetlər tədqiqat və araşdırmalar, peşəkar məzunlar və nəzəri ekspert bilikləri təqdim edir, biznes isə praktik təcrübə, real problemlər, maliyyə dəstəyi və məşğulluq imkanları ilə ümumi fəaliyyətə töhfə verir. Əsas məqsəd təhsili və tədqiqatı iqtisadi və sosial ehtiyaclarla uzlaşdıraraq universitet və biznes sektoru arasındakı boşluğu aradan qaldıran körpü yaratmaqdır.
“BERC&Partners” ilə Azərbaycan Dövlət İqtisad Universiteti (UNEC) arasında Universitet-Biznes Əməkdaşlığı layihəsi çərçivəsində memorandum imzalandı. Bu Memorandumda UNEC və “BERC&Partners” şirkətinin həyata keçirəcəyi birgə fəaliyyətləri, xüsusi ilə aşağıdakı istiqamətləri əhatə edən fəaliyyət planı razılaşdırılıb.
- “BERC&Partners”-lə UNEC arasında Startup quruluculuq fəaliyyətlərinin inkişafı və dəstəklənməsi üçün birgə fəaliyyətlərin həyata keçirilməsi, inkubasiya və akselerasiya fəaliyyətlərinin əlaqələndirilməsi;
- UNEC Ömürboyu Təhsil Mərkəzi ilə birgə korporativ və fərdi istiqamətdə təlim və xidmət fəaliyyətlərinin təşkili və həyata keçirilməsi;
- Birgə tədqiqat layihələrinin həyata keçirilməsi, konfransların, təlimlərin və seminarların təşkil edilməsi;
- UNEC tələbələrinin “BERC&Partners”-də və onunla partnyor olan şirkətlərdə və layihələrdə təcrübə proqramlarına cəlb edilməsi;
- Qarşılıqlı razılaşma ilə “BERC&Partners”-in mütəxəssis və təlimçi heyətinin UNEC-in tədris fəaliyyətlərində qonaq müəllim qismində cəlb olunması;
- Tələbələri “BERC&Partners”-in fəaliyyəti və mövcud kadr tələbatı haqda məlumatlandırmaq məqsədilə UNEC-də “Karyera günləri”nin keçirilməsi;
